ياپونىيەلىك پىروفېسسور: تۈركىيەدىكى يەر تەۋرەش قۇرۇقلۇقتىكى ئەڭ چوڭ يەر تەۋرەشلەرنىڭ بىرى

تۈركىيە ئاۋازى رادىيوسى خەۋىرى: توخوكۇ ئۇنىۋېرسىتېتى خەلقئارا ئاپەت ئىلمى تەتقىقات كافېدراسى پىروفېسسورى شىنجى، ياپونىيەنىڭ «ئاساھى شىمبۇن» گېزىتىنىڭ تۈركىيەنىڭ قاھرامانماراش ۋىلايىتىدە يۈز بېرىپ 10 ۋىلايەتكە تەسىر كۆرسەتكەن  7.7 ۋە 7.6 بال يەر تەۋرەش توغرىسىدىكى سوئاللىرىغا جاۋاب بەردى.

پىروفېسسور شىنجى، تۈركىيەدىكى يەر تەۋرەشنىڭ دۇنيادىكى قۇرۇقلۇقتا يۈز بەرگەن ئەڭ چوڭ يەر تەۋرەشلەرنىڭ بىرى ئىكەنلىكىنى ئەسكەرتىپ: «بۇ كۈتۈلمىگەن دەرىجىدىكى شىددەتلىك يەر تەۋرەش ئىدى» دېدى.

ئۇ، شەرقىي ئانادولۇ تەۋرەش لىنىيەسىنىڭ ئەرەب قاتلىمى بىلەن ئانادولۇ قاتىلىمى چېگراسىغا جايلاشقانلىقىنى تىلغا ئېلىپ، تەۋرەش شىددىتىنىڭ كۈچلۈك بولۇشىدىن باشقا، تەۋرەش مەركىزىنىڭ يەر يۈزىگە يېقىن بولۇشىنىڭمۇ زور زىيانلار كەلتۈرۈپ چىقارغانلىقىنى ئوتتۇرىغا قويدى.

شىنجى، يەر تەۋرەشنىڭ ئېنېرگىيە مىقدارىنىڭ 1995-يىلى ياپونىيەدە يۈز بەرگەن چوڭ خەنشىن-ئاۋاجى يەر تەۋرىشى ۋە 2016-يىلدىكى كۇماموتو يەر تەۋرىشىنىڭ ئون ھەسسىسىدىنمۇ كۆپرەك ئىكەنلىكىنى تەكىتلىدى.