italiye türkiyening kowid-19 mezgilidiki yaxshiliqini untup qalmighanliqini namayan qildi
italiye qahramanmarashta yüz bergen 7.7 we 7.6 bal yer tewreshlirining zerbisige uchrighan rayonlargha yardem yollidi.
1943510
türkiye awazi radiyosi xewiri: italiyening enqerediki elchixanisi apet rayonlirigha ewetilgen yardemni «ümidsizlikning arqisida nurghun ümidler, qarangghuluqning arqisida nurghun quyashlar bar» dégen söz bilen ortaqlashti.
qahramanmarashta yüz bérip 10 wilayetke tesir körsetken yer tewresh sewebidin nurghun döletler türkiyege izdesh-qutquzush xadimliri we yardem eshyalirini ewetti؛ italiyemu bu döletlerning biri boldi.
italiye elchixanisi özining ijtimaiy taratqudiki adrésida apet rayonigha qilinghan yardemler toghrisida uchur hembehrilep, türkiyening kowid-19 yuqumi mezgilide italiyege yollighan yardem oralmilirining üstige yézilghan «ümidsizlikning arqisida nurghun ümidler, qarangghuluqning arqisida nurghun quyashlar bar» dégen sözlerge orun ajratti.
eyni waqitta, türkiye dunyadiki kowid-19 ning eng küchlük zerbisige uchrighan italiyege yardem qolini sunghan؛ yollanghan yardem buyumliri sanduqlirigha keng qorsaqliq we tinchliqning simwoli bolghan dangliq mutesewwup jalalidin rumining «ümidsizlikning arqisida nurghun ümidler, qarangghuluqning arqisida nurghun quyashlar bar» dégen sözliri yézilghanidi.
مۇناسىۋەتلىك خەۋەرلەر
kolumbiyede bir yerlik xelq rehbiri suyiqest bilen öltürüldi
kolumbiyede bir yerlik xelq rehbiri qoralliq hujumgha uchrap qaza qildi.
