dunya sehiye teshkilati türkiye üchün «3 - derijilik jiddiy halet» élan qildi

türkiye awazi radiyosi xewiri: dunya sehiye teshkilatining yawropa diréktori doktor hans klug dunya sehiye teshkilatining türkiye we süriyening shimalida yüz bergen ikki chong yer tewreshtin kéyin, eng yuqiri jiddiy halet sewiyesi bolghan  «3 - derijilik jiddiy halet» élan qilghanliqini jakarlidi.

dunya sehiye teshkilatining 3-derijilik jiddiy halet élan qilghanliqi, dunya sehiye teshkilatining pütkül imkaniyetlirini seperwer qilidighanliqini bildüridu.

dunya sehiye teshkilatining mudiri doktor klug tünügün (7-féwral) dunya sehiye teshkilatining ijraiye kéngishige türkiye we süriyede yüz bergen yer tewresh toghrisida doklat bergenlikini eskertip,  «3 - derijilik jiddiy helet»  élan qilinghanliqini bildürdi.

doktor klug bayanatida: «özining janliri xeter ichide ikenlikige qarimay heriketke ötken ghazianteptiki dunya sehiye teshkilatining neq meydan xadimlirini alqishlaymen» dédi.

doktor klug dunya sehiye teshkilati yawropa etritining ghaziantep, enqere we istanbulda paaliyet qiliwatqanliqini bildürüp: «türkiye hökümiti dairilirini hayat qutquzush üchün teqdirge layiq heriket bashlighanliqini medhiyeleymen. alahide hemkarliqini körsetken eza döletlerge rehmet oquymen. xelqara jamaetchilikni yardemlerni dawamlashturushqa, türkiye hökümiti we dunya sehiye teshkilati bilen toluq maslishishqa chaqiriq qilimen» dédi.