borrél türkiyede yüz bergen yer tewresh üstide toxtaldi
yawropa ittipaqi tashqi munasiwet we bixeterlik siyasiti aliy wekili josép borrél türkiyede yüz bergen yer tewreshke qayghurghanliqini bildürdi.
türkiye awazi radiyosi xewiri: yawropa ittipaqi tashqi munasiwet we bixeterlik siyasiti aliy wekili josép borrél türkiyede yüz bergen yer tewreshke qayghurghanliqini bildürüp, tashqi ishlar ministiri mewlüt chawushoghlu bilen alaqilishiwatqanliqini we yawropa ittipaqi döletliri bolush süpiti bilen qolidin kélishiche yardem qilishqa tirishiwatqanliqlirini éytti.
borrél bélgiye paytexti biryussélda türkiye muxbirlirigha bayanat berdi.
borrél 6-féwralda qahramanmarashta yüz bergen 7.7 we 7.6 bal yer tewreshte jénidin ayrilghanlargha teziye bildürüp: «yer tewreshtin intayin qayghurdum. bu bir chong pajie. men dostum (tashqi ishlar ministiri) mewlüt chawushoghlu bilen alaqilishiwatimen. qutquzush etretliri we dawalash buyumliri qatarliq biz eweteleydighan yardemlerni ashurup yollaymiz. yawropa ittipaqigha eza barliq döletler heriketke ötti» dédi.
borrél ikki terep munasiwetliri üstidimu toxtilip, türkiyeni «yawropa ittipaqigha nisbeten muhim ehmiyetke ige shérik» dep bahalidi we «türkiye bilen bolghan munasiwitimiz ilgirikige qarighanda téximu muhim we sezgür halgha kelgen weziyette turmaqta» dédi.
borrél türkiyening sherqiy aqdéngiz, liwiye, kawkaz we ukraina qatarliq murekkep bir rayonning merkizige jaylashqan dölet ikenlikini eskertip, türkiyening muhim aktiyor ikenlikini, bu qétim qara déngiz ashliq kélishimide halqiliq rol oynaydighanliqini éytti.