«‹Bild› géziti»: eger bu yer tewresh gérmaniyede yüz bergen bolsa pütkül gérmaniye tewrinip kétetti

türkiye awazi radiyosi xewiri: gérmaniyede chiqidighan «‹Bild› géziti», qahramanmarash wilayitining pazarjik nahiyeside yüz bergen qorqunchluq yer tewresh apitining tesir xeritisini gérmaniye xeritisi bilen sélishturup, oqurmenlirining diqqitige sundi.

gézitning bu heqtiki analizida mundaq déyildi: «türkiye we süriyediki yer tewresh saheliri adettin tashqiri derijide chongdur. mesilen, bu yer tewresh gérmaniyede yüz bergen bolsa, pütkül gérmaniye tewrinip ketken bolatti. eger yer tewresh merkizi bizning dölitimizning otturisida bolsa, élimizning peqet eng jenubi we eng shimalidila yer tewrimigen, bashqa pütkül rayonliri tewrinip ketken bolatti.»

gézitning analizida, eger türkiyediki yer tewresh gérmaniyede yüz bergen bolsa, gérmaniyediki nurghun rayonlarning talapetke uchraydighanliqi eskertilip mundaq déyildi:

«firankfort, stutgart, wéysbadén, dortmond, wurzburg, manxéyim we xannowér qatarliq sheherler bu apetning eng éghir zerbisige uchrap, qorqunchluq derijide weyran bolatti. peqet bu sheherlerning merkezliridila milyonlighan kishiler talapetke uchraytti.»