gollandiyening lahey  shehiride yüzligen musulmanlar qurangha qilinghan hujumgha qarshi namayish ötküzdi

türkiye awazi radiyosi xewiri: lahey shehirining apélsin meydanigha yéghilghan namayishchilar kokamp meydanighiche yürüsh qildi.

namayishchilar: «musulmanlargha öchmenlik qilishni toxtat! quran insaniyet üchün tinchliq bayannammisidur. nepret tériwatqanlar qurandin qolungni tart!»  dep yézilghan lozunkilarni kötürüshüp, tekbir towlidi.namayishta xaglandén rayoni islamiy teshkilatlar birliki ezasi axbarat élan qilidi.

 türk-islam kültür fondi jemiyitining reisi tahsin chetinkaya gollandiyediki musulmanlargha bolghan öchmenlikning yéngi bir sewiyege yetkenlikini éytti. u gollandiye jemiyitide musulmanlargha adawet saqlashning normal ehwalgha aylanghanliqini tekitlep: hökümetning bu ehwalgha süküt qiliwatqanliqi terepke hemmining diqqitini tartti.

u: «siyasiyonlarning bu eyibleshke tégishlik  perwasiz pozitsiyesi sewebidin musulmanlargha bolghan nepret uruqi chéchishning téxiche toxtimighanliqini körmektimiz. siyasiyonlar emdilikte bundaq dehshetlik ighwagerchilik weqelirige we buning tesirige mesul bolushi kérek» dédi.

tahsin chetinkaya gollandiyede yashaydighan musulmanlarning döletning bir parchisi ikenlikini eskertip: «emdi yéter. musulmanlargha we islamgha öchmenlik qilishtin waz kéchinglar» dédi.

shiwétsiyening paytexti stokholmdiki türkiye elchixanisi aldida 21 - yanwarda (2023) saqchilarning qoghdishi astida ötküzülgen quran köydürüsh ighwagerchiliki jeyanida rasmus paludangha héchkishining yéqinlishishigha yol qoyulmighan idi.

shiwétsiye hökümitining quranni köydürüsh üchün poludangha ruxset bergenlikige qarita, türkiye qatarliq nurghun musulman döletler naraziliq bildürgen idi.

paludan 27 - yanwarda daniyede bir jamening udulida we türkiyening kopénhagéndiki elchixanisi aldida quran kerimni köydürgen idi.

gollandiyediki irqchi, gherbning islamlishishigha qarshi turush (PEGIDA) herikitining rehbiri édwin wagénswéldmu lahey shehiride quran kerimni yirtqan idi.