zaxarowa: «yawropa ittipaqi döletlirining tinchliq chaqiriqi ikki yüzlimichiliktur»
rusiye tashqi ishlar ministirliqi bayanatchisi mariya zaxarowa yawropa ittipaqi döletlirining tinchliq chaqiriqining «ikki yüzlimichilik» ikenlikini bildürdi.
türkiye awazi radiyosi xewiri: zaxarowa yazma bayanatida, ukrainaning paytexti kiyéwda jüme küni ötküzülgen ukraina-yawropa ittipaqi bashliqlar yighini üstide toxtaldi.
zaxarowa gherbning ukrainani urush üchün qollawatqanliqini tilgha élip, «bu bashliqlar yighini yawropa ittipaqining rusiyeni ajizlashturush we amérika bilen shimaliy atlantik ehdi teshkilatining zomigerlik arzusigha xizmet qilish üchün kiyéwdiki natsistlar hakimiyitini biperwaliq bilen qollashni dawamshlashturidighanliqini yene bir qétim ispatlidi» dédi.
yawropa ittipaqining ukrainadiki urush üchün 12 milyard yawro ajratqanliqini tekitligen zaxarowa, buning puqralarning ölüshini keltürüp chiqarghanliqini ilgiri sürdi.
zaharowa: «yawropa ittipaqi döletliri toqunushlarni dawamlashturush üchün <meyli qanchilik dawamlashsa, dawamlashsun> mentiqi bilen meblegh sélishqa teyyar ikenlikini jakarlighan iken, undaqta tinchliq chaqiriqi ikki yüzlimichilik bolidu» dédi.
zaxarowa rusiyening ukrainadiki «alahide herbiy heriket» nishanining emelge ashidighanliqini we buning bashliqlar yighinigha qatnashqanlarni ümidsizlendüridighanliqini éytti.
مۇناسىۋەتلىك خەۋەرلەر
qarataghda pirézidént saylimi ötküzüldi
qarataghda xelq 8 - nöwetlik pirézidént saylimining ikkinchi basquchida bélet tashlidi.
