hindistan,  ereb birleshme xelipiliki we firansiye  uch terep hemkarliq teshkilati qurdi

türkiye awazi radiyosi xewiri: ereb birleshme xelipiliki resmiy xewer agéntliqi «WAM» ning xewer qilishiche, ereb birleshme xelipiliki tashqi ishlar ministiri abdullah bin zeyid, fransiye tashqi ishlar ministiri katérin kolonna we hindistan tashqi ishlar ministiri subraxmanyam jayshankar téléfonda körüshken.

xewerde ereb birleshme xelipiliki, fransiye we hindistan teripidin «üch tereplik hemkarliq teshebbusi» ning qurulghanliqi tekitlinip, bu teshebbusning énérgiye we kélimat özgirishi qatarliq her qaysi sahelerdiki hemkarliq layihelirini ilgiri sürüsh, pilanlash we ijra qilish munbiri süpitide xizmet qilidighanliqi tekitlendi.

xewerde, bu teshebbusning türtkiside, üch dölet otturisida qoyuq hemkarliq saheliri, maslishish, tereqqiyat we birleshme ishlepchiqirishni kücheytish üchün tirishchanliq körsitilidighanliqi hemde üch dölet mudapie qisimliri otturisda téximu köp hemkarliq we meshiq pursiti yaritilidighanliqi uqturuldi. bu heqte tashlinidighan qedemlerning yol xeritisining ministirlar teripidin sizip chiqilghanliqi tekitlinip, üch terep hemkarliq teshebbusining eng körünerlik sahelirining téxnikida yéngiliq yaritish, kültür we yuqumluq késelliklerge qarshi küresh qatarliqlar ikenliki otturigha qoyuldi.