térrorchilar namayishchi ammigha oq chiqardi

türkiye awazi radiyosi xewiri: mehelliy menbelerning bildürüshiche, süriyening iraq chégrasigha jaylashqan deyruzzur wilayitining sherqidiki p k k / y p g térrorchiliri ishghal qilip turuwatqan sebha we ebrehiyye bazarlirida onlarche kishi teshkilatqa qarshi namayish ötküzgenlikini bildürdi.

atalmish ​​tekshürüsh ponkitlirini qurup xelqqe bésim ishlitishni meqset qilghan teshkilat, namayishchilarni tarqaqlashturush üchün puqralargha qaritip oq chiqarghan؛ weqede adem ölüsh yaki yarilinish ehwali körülmigen, emma térrorchilar sebha we ebrehiyye bazarlirida üch künlük kochigha chiqishni cheklesh belgilimisini  yolgha qoyghan.

köp sanliq ahalisi ereblerdin terkib tapqan deyruzzurning nurghun ahaliler rayonlirida yéqinqi bir heptidin buyan uda bir qanche qétim p k k / y p g térrorluq teshkilatigha qarshi namayishlar ötküzülgen.

térrorluq teshkilatining puqralarni xalighanche tutup turushqa xatime bérip, qolgha élinghanlarni qoyup bérishini telep qilghan namayishchilar, yene bir tereptin, turmush sharaitining nacharliship kétishigimu naraziliq bildürmekte.

deyruzzurning firat deryasining sherqidiki rayonliri 2017-yilidin buyan térrorluq teshkilati — p k k / y p g ning ishghali astida turmaqta.