شىۋېتسىيەدە تېررورلۇق تەشكىلاتى ئۈچۈن پۇل توپلىغان بىر كىشى قولغا ئېلىندى

تۈركىيە ئاۋازى رادىيوسى خەۋىرى: شىۋېتسىيە SR رادىيوسى، 40 ياشلاردىكى بىر كىشىنىڭ تېررورلۇقنى مەبلەغ بىلەن تەمىنلەش، كىشىلەرنى قاقتى-سوقتى قىلىش، بۇلاشقا ئۇرۇنۇش ھەمدە قوراللىق ھۇجۇم قىلىش جىنايىتى سادىر قىلىش بىلەن ئەيىبلىنىپ نازارەت ئاستىغا ئېلىنغانلىقىنى خەۋەر قىلدى.

خەۋەردە كۆرسىتىلىشىچە، ستوكھولم رايونلۇق سوت مەھكىمىسى مەزكۇر گۇماندارنى تېررورلۇق تەشكىلاتى — پ ك ك / ي پ گ ئۈچۈن پۇل توپلاش ۋە قوراللىق تەھدىت سېلىش جىنايىتى بىلەن ئەيىبلەپ قولغا ئالغان.

ئەيىبلىگۈچى خەنس ئېھرمان، گۇماندارنىڭ تېررورلۇق تەشكىلاتى پ ك ك / ي پ گ گە پۇل توپلاش ئۈچۈن پۇرسەتپەرەستلىك قىلىشتىن باشقا، تېررورلۇقنى مەبلەغ بىلەن تەمىنلەش بىلەنمۇ شۇغۇللانغانلىقىنى ئېيتقان.