b d t amérika - xitay jiddiychilikining ulghiyip kétishini xalimaydighanliqini bildürdi

türkiye awazi radiyosi xewiri: b d t bash katipi bayanatchisi stéfan dujarik muxbirlarni kütüwélish yighinida «jasusluq shari» toghrisida toxtaldi؛ b d t ning xitay bilen amérika otturisidiki ziddiyetning küchiyip kétishidin ensireydighanliqini, bash katip antoniyo gutérrésning bu mesilini izchil tekitlep kéliwatqanliqini bildürüp: «bolupmu bu mesiliside, ikki dölet ottura yol tépishi kérek. men, her ikki döletning dunyadiki ornini nezerde tutup, jiddiychilikni peseytish üchün qolidin kélishiche tirishchanliq körsitishi <mesuliyetchanliq> dep qaraymen» dédi.

amérika mudapie ministirliqining bir nechche kün ilgiri amérika chégraliri ichide 60 ming ingliz chisi égizlikte uchuwatqan xitayning alahide égizliktin közitish sharini bayqighanliqini, sharning xelq awiyatsiyesi yaki quruqluqqa maddiy xewp yetküzmigenlikini élan qilishidin kéyin, amérika tashqi ishlar ministiri antoniy blinkén kéler hepte ishqa ashurushni pilanlawatqan béyjing ziyaritini kéchiktürgenidi.

xitay mezkur sharning bir hawarayi tekshürüsh shari ikenlikini, hawarayi sharaiti sewebidin yönilish özgertkenlikini ilgiri sürgen. péntagon bolsa, bu izahatlarni ret qilip, özlirining sharning yönilish özgertish iqtidarigha ige ikenlikini, uning bir közitish shari ikenlikini bilidighanliqini bildürgenidi.