б д т америка - хитай җиддийчиликиниң улғийип кетишини халимайдиғанлиқини билдүрди

түркийә авази радийоси хәвири: б д т баш катипи байанатчиси стефан дуҗарик мухбирларни күтүвелиш йиғинида «җасуслуқ шари» тоғрисида тохталди؛ б д т ниң хитай билән америка оттурисидики зиддийәтниң күчийип кетишидин әнсирәйдиғанлиқини, баш катип антонийо гутерресниң бу мәсилини изчил тәкитләп келиватқанлиқини билдүрүп: «болупму бу мәсилисидә, икки дөләт оттура йол тепиши керәк. мән, һәр икки дөләтниң дунйадики орнини нәзәрдә тутуп, җиддийчиликни пәсәйтиш үчүн қолидин келишичә тиришчанлиқ көрситиши <мәсулийәтчанлиқ> дәп қараймән» деди.

америка мудапиә министирлиқиниң бир нәччә күн илгири америка чегралири ичидә 60 миң инглиз чиси егизликтә учуватқан хитайниң алаһидә егизликтин көзитиш шарини байқиғанлиқини, шарниң хәлқ авийатсийәси йаки қуруқлуққа маддий хәвп йәткүзмигәнликини елан қилишидин кейин, америка ташқи ишлар министири антоний блинкен келәр һәптә ишқа ашурушни пиланлаватқан бейҗиң зийаритини кечиктүргәниди.

хитай мәзкур шарниң бир һаварайи тәкшүрүш шари икәнликини, һаварайи шараити сәвәбидин йөнилиш өзгәрткәнликини илгири сүргән. пентагон болса, бу изаһатларни рәт қилип, өзлириниң шарниң йөнилиш өзгәртиш иқтидариға игә икәнликини, униң бир көзитиш шари икәнликини билидиғанлиқини билдүргәниди.