yawro-asiya iqtisadiy hemkarliq teshkilati yighini almutada chaqirildi

türkiye awazi radiyosi xewiri: qazaqistan bash ministiri elixan ismailowning sahibxaniliqida uda ikki kün dawamlishidighan yighingha, yawro-asiya iqtisadiy hemkarliq teshkilatining bashqa ezaliri bolghan rusiye bash ministiri mixayil mishustin, bélarusiye bash ministiri roman golowchénko, qirghizistan bash ministiri alikbék japarow we erméniye bash ministiri nikol pashinyan qatarliqlar qatnashti.

ishtirakchilar yighinning birinchi küni, yawro-asiya iqtisadiy hemkarliq teshkilati qarmiqida tebiiy gaz baziri qurush üchün xelqaraliq kélishim layihesi tüzüsh, haraq bazirini tengshesh we rayonluq tereqqiyat organlirining paaliyetliri heqqide muzakire élip bardi.

igilinishiche, yighinning bügünki (3-féwral) kéngeytilgen qismida, yawro-asiya iqtisadiy hemkarliq teshkilatigha eza döletler ara soda – iqtisad saheside hemkarliq ornitish, téxnologiyelik tengshesh, tömür yol we yük tiransporti, énérgiye qatarliq mesililer muzakire qilinidiken.

buningdin bashqa yene, yawro-asiya iqtisadiy hemkarliq teshkilatigha eza döletlerning hökümet bashliqliri 5-nöwetlik dijital almuta xelqara munbiri yighinighimu qatnishidiken.