америка қитәсидики әң чоң түрмә салвадорда
америка қитәсидики әң чоң түрмә оттура америка дөлити салвадорда ечилди.
түркийә авази радийоси хәвири: салвадор пирезиденти найб букеле теколука кәнтидики бир вадида, 166 гектарлиқ саһәдә 40 миң киши сиғидиған америка қитәсидики әң чоң түрмини ачти.
букеле аммиви ортақлишиш тор бети Twitter сәһиписидә елан қилған байанатида, салвадорда қара гуруһларға қарши күрәш қилиш үчүн йасалған вә «америка қитәсидики әң чоң түрмә» дәп аталған «терроризмдин мудапиәлиниш мәркизи» тоғрисида мундақ деди: «<терроризмдин мудапиәлиниш мәркизи> ни ачтуқ. бу мәркәзниң қурулуши йәттә ай ичидә пүтти. бу мәркәзниң қәара гуруһларға қарши урушта толуқ ғәлибә қилишқиму зор пайдиси бар.»
салвадор әдлийә вә җамаәт хәвпсизликиниң муавин министири осирис луна болса, бу мәркәзниң әң йеңи технологийәлик әслиһәләр билән йасалғанлиқини ейтти, һәмдә бу мәркәзни 600 әскәр, 250 сақчи вә қаравулниң кечә-күндүз қоғдайдиғанлиқини байан қилди.
