nato bash katipi: xitay rusiye – ukraina urushining netijilirini yéqindin közetmekte

türkiye awazi radiyosi xewiri: nato bash katipi stolténbérg sherqiy asiya ziyariti dairiside yaponiye paytexti tokyogha yétip bardi.

u tokyodiki  uchrishishlirini tamamlighandin kéyin, kéyo uniwérsitétida sözligen nutuqida mundaq dédi: «yaponiye yersharidiki muhim aktiyor bolup, tinchliqni aktip qollimaqta. derweqe, shimaliy atlantik ehdi teshkilatining wezipisimu tinchliqni qoghdashtur.»

u térrorizmdin kilimat özgirishigiche, tor tehditliridin yadro qorallirining kéngiyishigiche bolghan yershari xaraktérlik xirislarning künséri küchiyip kétiwatqanliqini eskertip mundaq dédi: «xelqaraliq tertip tehditke uchrimaqta. mana mushundaq ehwal astida, moskwa bilen béyjing mustebit öktichilerning aldinqi sépide turmaqta.»

u shimaliy koréyening bashqurulidighan bomba sinaqliriningmu xelqaraliq bixeterlikke tehdit séliwatqanliqini eskertti, hemde xitayning hindi-tinch okyandiki tesir küchining barghanséri zoriyiwatqanliqidin endishe qiliniwatqanliqini qeyt qildi.

u rusiye ukrainagha qarshi urushta ghelibe qilghan teqdirde, «moskwa we béyjinggha bérilidighan signalning, <rehimsizlerche küch ishletkende nishangha yetkili bolidighanliqi> din ibaret bolidighanliqini tekitlep mundaq dédi: «bügünki künde yawropada yüz bériwatqan ishlar ete - ögün sherqiy asiyadimu yüz bérishi mumkin.»

u yene, urushning peqet yawropa kirizisi bolupla qalmastin, yene dunyawi bixeterlik we muqimliqqa qarita duél élan qilish hésablinidighanliqini eskertip mundaq dédi: «xitay rusiyening ukrainagha qaratqan urushining netijilirini yéqindin közetmekte we kelgüsidiki qararlirigha tesir körsitidighan tejribe – sawaqlarni yekünlimekte.»