wéngiriye tashqi ishlar ministiri quranning köydürülishige naraziliq bildürdi
wéngiriye tashqi ishlar we tashqi soda ministiri pétér sijjarto bashqa bir dinning muqeddes kitabini köydürüsh we haqaretleshni hergizmu qobul qilishqa bolmaydighanliqini éytti.
türkiye awazi radiyosi xewiri: wéngiriye tashqi ishlar ministiri sijjarto shiwétsiyede ashqun ong qanat siyasetchi rasmus paludanning stokholmdiki türkiye elchixanisi aldida quranni köydürgenlikige naraziliq bildürdi.
sijjarto her qandaq bir dinning muqeddes kitabliri yaki simwollirining köydürülüshige weyaki haqaretlinishige qetiy qarshi turidighanliqini bildürüp yene mundaq dédi:
«men bir xiristiyan bolush süpitim bilen, yeni teqwadar katolik xiristiyan bolush süpitim bilen shuni éytip qoyayki, bashqa bir dinning muqeddes kitabini köydürüsh we uni haqaretleshni hergizmu qobul qilishqa bolmaydu. bashqa biz dinning muqeddes kitabini köydürüshni <pikir erkinliki> déyish (epu qiling, emma) hamaqetliktur. hazir bir dölet shimaliy atlantik ehdi teshkilati-natogha qoshulushni xalisa we türkiyeningmu qollishigha érishmekchi bolsa, undaqta sel éhtiyatchan bolushi kérek.»
