stolténbérg nato-yaponye munasiwitini kücheytishke chaqirdi

türkiye awazi radiyosi xewiri: nato bash katipi stolténbérg sherqiy asiy ziyariti ramkisida yaponiyege yétip keldi. u paytext tokyoning shimaligha jaylashqan yaponiye hawa armiyesining iruma bazisini ziyaret qildi.

u bu yerde qilghan sözide, 24-féwralda (2022) bashlanghan ukraina-rusiye urushi üstide toxtaldi.

u: «ukrainadiki urush hemmimiz üchün muhim. eger rusiye pirézidénti wladimir putin ukrainada ghelibe qilsa, ukrainaliqlar üchün tiragédiye bolidu. shundaqla dunyadiki mustebit rehberler üchünmu xeterlik signal bolidu. chünki herbiy küch ishlitilgende meqsetni bildüridighan signal bolidu» dédi.

u ukraina-rusiye urushi keltürüp chiqiridighan dunyawi tehditler üstide toxtilip: «ukrainadiki urush bixeterlikimizning bir-biri bilen zich munasiwetlik ikenlikini körsitip berdi. nato-yaponiye arisida téximu küchlük munasiwetlerni ornitish kérek. nato bilen qimmetlik shérikimiz yaponiye otturisidiki shérikchilik munasiwetni téximu kücheytishning amali bar» dédi.