пакистанда бир җамәгә қилинған террорлуқ һуҗумида өлгәнләрниң сани көпәйди

пакистанниң хәйбәр пахтонхва өлкисидә түнүгүн (30-йанвар) пешин намизи әснасида, бир җамәгә қилинған террорлуқ һуҗумида қаза қилғанларниң сани 72 гә йәтти.

1940068
пакистанда бир җамәгә қилинған террорлуқ һуҗумида өлгәнләрниң сани көпәйди

түркийә авази радийоси хәвири: пакистан таратқулириниң хәвәр қилишичә, түнүгүн хәйбәр пахтонхва өлкисиниң шәһәрлик сақчи  ирадиси районида бир җамәгә пешин намизи әснасида қилинған террорлуқ һуҗумидин кейин башланған издәш - қутқузуш паалийәтлири давамлашмақта икән.

алақидар тармақларниң билдүрүшичә, террорлуқ һуҗумида җенидин айрилғанларниң сани 72 гә йәткән болуп, йаридарларни давалаш хизмити давамлашмақта икән.

хәвәрләрдә дейилишичә, хәйбәр пахтонхва өлкилик һөкүмәт өлкә миқйасида бир күнлүк «матәм» елан қилған.

мәзкур террорлуқ һуҗуминиң җавабкарлиқини пакистан талибанлири өз үстигә алғаниди.

һуҗумниң, пакистан ташқи ишлар министири билавал бутто зәрдариниң русийәдә зийарәттә болуватқан пәйттә йүз бериши диққәт қозғиғаниди.

йеқиндин буйан террорлуқ һуҗумлирини көпәйтиватқан пакистан талибанлири 28 – нойабир күни (2022) аммиви ортақлишиш тор бетидики сәһиписидә байанат елан  қилип, 10 – май күни исламабад һөкүмити билән һасил қилинған уруш тохтитиш келишими муддитиниң ахирлашқанлиқини уқтурған, һәмдә әзалириға, пакистан миқйасида дөләт хәвпсизлик күчлиригә һуҗум қилиш тоғрулуқ йолйоруқ чүшүргәниди.

пакистан «пакистан талибанлири» ни террорлуқ тәшкилати дәп қарайду.



مۇناسىۋەتلىك خەۋەرلەر