finlandiyede quran kerimni köydürüshke yol qoyulmaydu

türkiye awazi radiyosi xewiri: finlandiye taratqulirining bu dölette paaliyet élip bériwatqan «‹STT› agéntliqi» ni menbe körsitip xewer qilishiche, finlandiye döletlik saqchi idarisi muqeddes kitablarni köydürüshni «jazagha tartilishqa tégishlik jinayet» dep qaraydiken.

buninggha asasen, muqeddes kitablarni haqaretleshmu oxshash jinayet hésablinidiken.

xewerlerde déyilishiche, finlandiye saqchi emeldari wésa pixajoki bu heqte élan qilghan bayanatida, mundaq dégen: «eger namayish esnasida quran kerimni köydürüsh pilanlanghan bolsa, saqchilar namayishni teshkilligüchige ruxset qilinmaydighanliqini aldin xewer qilidu. buningdin bashqa yene, eger namayish jeryanida yaki saqchilarning diqqitini qozghaydighan bashqa ehwallarda quran kerim köydürülse, saqchilar derhal tosidu.»

finlandiye taratqulirining tekitlishiche, finlandiyening qanuni bashqa skandinawiye döletliriningkige oxshimaydighan bolup, «din» ni qoghdaydiken, bu qanungha xilapliq qilghuchilar tégishlik jazagha tartilidiken.

daniyelik esebiy ongchil qattiq yönilish partiyesining rehbiri rasmus paludan 21 – yanwar küni (2023) türkiyening shiwétsiye paytexti sitokholmda turushluq elchixanisi aldida quran kerimni köydürgenidi.

u köp sanda saqchilarning qoghdishi astida quran kerimni köydürgende, uning yénigha héchkimning yéqinlishishigha ruxset qilinmighanidi.

paludan 27-yanwar künimu daniyede jamening udulida we kopénhagéndiki türkiye elchixanisining aldida quran kerimni köydürgenidi.