финландийәдә қуран кәримни көйдүрүшкә йол қойулмайду
финландийә сақчилири аммиви паалийәтләрдә қуран кәрим қатарлиқ муқәддәс китабларни көйдүрүшкә йол қоймайдиғанлиқини билдүрди.
түркийә авази радийоси хәвири: финландийә таратқулириниң бу дөләттә паалийәт елип бериватқан «‹STT› агентлиқи» ни мәнбә көрситип хәвәр қилишичә, финландийә дөләтлик сақчи идариси муқәддәс китабларни көйдүрүшни «җазаға тартилишқа тегишлик җинайәт» дәп қарайдикән.
буниңға асасән, муқәддәс китабларни һақарәтләшму охшаш җинайәт һесаблинидикән.
хәвәрләрдә дейилишичә, финландийә сақчи әмәлдари веса пихаҗоки бу һәқтә елан қилған байанатида, мундақ дегән: «әгәр намайиш әснасида қуран кәримни көйдүрүш пиланланған болса, сақчилар намайишни тәшкиллигүчигә рухсәт қилинмайдиғанлиқини алдин хәвәр қилиду. буниңдин башқа йәнә, әгәр намайиш җәрйанида йаки сақчиларниң диққитини қозғайдиған башқа әһвалларда қуран кәрим көйдүрүлсә, сақчилар дәрһал тосиду.»
финландийә таратқулириниң тәкитлишичә, финландийәниң қануни башқа скандинавийә дөләтлириниңкигә охшимайдиған болуп, «дин» ни қоғдайдикән, бу қанунға хилаплиқ қилғучилар тегишлик җазаға тартилидикән.
данийәлик әсәбий оңчил қаттиқ йөнилиш партийәсиниң рәһбири расмус палудан 21 – йанвар күни (2023) түркийәниң шиветсийә пайтәхти ситокһолмда турушлуқ әлчиханиси алдида қуран кәримни көйдүргәниди.
у көп санда сақчиларниң қоғдиши астида қуран кәримни көйдүргәндә, униң йениға һечкимниң йеқинлишишиға рухсәт қилинмиғаниди.
палудан 27-йанвар күниму данийәдә җамәниң удулида вә копенһагендики түркийә әлчиханисиниң алдида қуран кәримни көйдүргәниди.
