pakistanda bir jamede adem bomba hujumi yüz berdi

türkiye awazi radiyosi xewiri: pakistan taratquliridiki xewerlerde bildürülishiche, xeyber paxtunxwa ishtati polis laynés rayonidiki jamede péshin namizi waqtida adem bomba hujumi yüz bergen.

hujumda deslepki éniqlashlargha asaslanghanda, 28 kishi jénidin ayrildi, 150 din artuq kishi yarilandi.

mesul dairiler, 10 yaridarning ehwalining éghir ikenlikini bildürdi.

taratqulardiki widéolarda, jamening köp qismining partlash sewebidin örülüp chüshkenliki körülidu.

partlashning jawabkarliqini hazirche héchqandaq teshkilat yaki shexs üstige almidi.

pakistan talibani (TTP) yéqinqi künlerde hujumlirini köpeytmekte.

pakistan talibani 28-noyabir (2022) ijtimaiy taratqu arqiliq 2022-yili 10-may islamabad hökümiti bilen kélishken urush toxtitishning axirlashqanliqini, ezalirigha dölet miqyasida xewpsizlik küchlirige hujum qilishni buyruq qilghanliqini jakarlighan idi.

pakistan hökümiti pakistan talibanini térrorluq teshkilati dep ataydu.

merkiziy islamabadqa jaylashqan xewpsizlik tetqiqatliri inistitutining melumatlirigha asaslanghanda, pakistanda ötken yili (2022) 506 térrorluq hujumi yüz bergen bolup, hujumlarda 290 xewpsizlik xadimi, 311 puqra jénidin ayrilghan.

pakistanda 2022-yili térrorluq hujumliri 2021-yilgha qarighanda %15 köpeygen idi.