zéléniski: bezi sheherlerde rusiye armiyesi bilen eng shiddetlik toqunushlar dawamlishiwatidu
ukraina pirézidénti wolodimir zéléniski rusiye armiyesi bilen eng shiddetlik toqunushlarning donétsik rayonining baxamut we wuglédar sheherliride dawamlishiwatqanliqini bildürdi.
türkiye awazi radiyosi xewiri: zélénskiy, kündilik élan qilghan sinliq bayanatida, ukrainada dawamlishiwatqan urushqa munasiwetlik özgirishler heqqide toxtaldi.
u, rusiye-ukraina urushi mezgilide rusiye armiyesi bilen bolghan eng shiddetlik toqunushlarning donétsik rayonining baxamut we wuglédar sheherliride dawamlishiwatqanliqini tekitlep mundaq dédi: «nöwette aldiqi seplerde, bolupmu donétsik rayonining baxmut we wuglédargha yéqin jaylarda weziyet intayin éghir.»
zélénskiy, rusiye armiyesini ukrainadiki puqrawi ul eslihelerni «weyran qilish» bilen eyiblep mundaq dédi: «tajawuzchilar herbiy nuqtilirimizgha hujum qilipla qalmay, bu nuqtilargha yéqin yéza-bazarlar we kentlernimu qesten weyran qilmaqta.»
u nutiqida, xelqara olimpik komitétining reisi tomas baxni tenterbiye sahesliride rusiyege cheklime qoyushqa chaqirdi.
zélénskiy, rusiye tenheriketchilirining olimpik musabiqisige qatnishishini chekleydighan qararning téxi chiqirilmighanliqini eskertti, hemde baxning urush mezgilide biterep pozitsiye tutmasliqi kéreklikini ilgiri sürdi.
