зелениски: бәзи шәһәрләрдә русийә армийәси билән әң шиддәтлик тоқунушлар давамлишиватиду

түркийә авази радийоси хәвири: зеленский, күндилик елан қилған синлиқ байанатида, украинада давамлишиватқан урушқа мунасивәтлик өзгиришләр һәққидә тохталди.

у, русийә-украина уруши мәзгилидә русийә армийәси билән болған әң шиддәтлик тоқунушларниң донетсик райониниң бахамут вә вугледар шәһәрлиридә давамлишиватқанлиқини тәкитләп мундақ деди: «нөвәттә алдиқи сәпләрдә, болупму донетсик райониниң бахмут вә вугледарға йеқин җайларда вәзийәт интайин еғир.»

зеленский, русийә армийәсини украинадики пуқрави ул әслиһәләрни «вәйран қилиш» билән әйибләп мундақ деди: «таҗавузчилар һәрбий нуқтилиримизға һуҗум қилипла қалмай, бу нуқтиларға йеқин йеза-базарлар вә кәнтләрниму қәстән вәйран қилмақта.»

у нутиқида, хәлқара олимпик комитетиниң рәиси томас бахни тәнтәрбийә саһәслиридә русийәгә чәклимә қойушқа чақирди.

зеленский, русийә тәнһәрикәтчилириниң олимпик мусабиқисигә қатнишишини чәкләйдиған қарарниң техи чиқирилмиғанлиқини әскәртти, һәмдә бахниң уруш мәзгилидә битәрәп позитсийә тутмаслиқи керәкликини илгири сүрди.