kanada  islam düshmenlikige qarshi küresh üchün alahide wekil teyinlidi

türkiye awazi radiyosi xewiri: kanada bash ministiri jastin trudo, bu heqte élan qilghan yazma bayanatida,  kishilik hoquq qoghdighuchisi we zhurnalist amira élgawabini «kanadaning islam düshmenlikige qarshi küreshning tunji alahide wekili» qilip teyinligenlikini uqturdi.

u, élgawabining bu wezipige teyinlinishining bu dölettiki islam düshmenliki we her xil öchmenlikke qarshi küreshte tashlanghan muhim bir qedem ikenlikini tekitlep mundaq dédi: «köp xilliq heqiqeten kanadaning eng chong ewzelliklirining biri, emma nurghun musulmanlargha nisbeten islam düshmenliki hemmige ayan. shunga, buni özgertishimiz kérek. dölitimizde héchkim öz étiqadi tüpeyli öchmenlikke duch kelmesliki kérek.»

trudo, kanada hökümitining musulmanlar jemiyitini qollaydighanliqini, bu dölette her qandaq shekildiki islam düshmenliki, ayrimchiliq we öchmenlikning qobul qilinmaydighanliqini tekitlidi.

2017-yili 29 – yanwar küni, musulmanlar kanadaning kwébék shehiride bir jamede ibadet üchün bir yerge jem bolghanda bu jamege qoralliq hujum qilghan aléksandir bissonnét, 6 ademni öltürgen, 19 ademni yarilanghandurghanidi.

2021-yili 6-iyun künimu, ontariyo ishtatining london shehiride, piyadiler yolida kétiwatqan musulman bir ailini qesten minibusi bilen soquwetken natanyel wéltman, bir ailidin 15 yashliq bir qizni öz ichige alghan 4 ademni öltürgen we 9 yashliq bir oghul balini éghir yarilanghandurghanidi.

kanada bash ministiri jastin trudo, bu hujumni «térrorluq hujumi» dep atighanidi.