ئامېرىكا M1 ئابرامىس تانكىلىرىنى ئۇكرائىناغا يۆتكەشكە بىر قانچە ئاي ۋاقىت كېتىدىغانلىقىنى بىلدۈردى

تۈركىيە ئاۋازى رادىيوسى خەۋىرى: پېنتاگون مۇئاۋىن باياناتچىسى سابرىنا سىنگ ئامېرىكا ئۇكرائىناغا ئەۋەتىدىغان «M1-ئابرامس» ناملىق تانكىلار ھەققىدە بايانات ئېلان قىلدى.

ئۇ ئامېرىكانىڭ قولىدىكى زاپاس تانكا سانىنىڭ كۆپ ئەمەسلىكىنى، شۇڭا ئۇكرائىنانى تەمىنلەش ئۈچۈن يېڭى تانكىلارنىڭ سېتىۋېلىنىدىغانلىقىنى تىلغا ئالغان سىنگ، شۇڭا «M1-ئابرامس» ناملىق تانكىلارنى ئۇكرائىناغا يۆتكەشكە بىر قانچە ئاي ۋاقىت كېتىدۇ، دېدى.

تانكىلارنىڭ ئۇكرائىنا بىخەتەرلىك ياردەم فوندى تەمىنلەيدىغان پۇلغا سېتىۋېلىنىدىغانلىقىغا ئىشارەت قىلغان سىنگ، بۇ تانكىلارنى ئىشلىتىشنى مەشىق قىلدۇرۇش، ئاسراش جەريانىغا مۇناسىۋەتلىك تەكشۈرۈشلەرنىڭ داۋاملىشىۋاتقانلىقىنى قەيت قىلدى.

ئامېرىكا ھۆكۈمىتى گېرمانىيەنىڭ «M1-ئابرامس» ناملىق تانكلىرىنى ئۇكرائىناغا ئەۋەتىش مەسىلىسىدىكى ئىككىلىنىشىگە خاتىمە بېرىش ئۈچۈن، ئۇكرائىنانى ئابرامس تانكىلىرى بىلەن تەمىنلەيدىغانلىقىنى ئۇقتۇرغانىدى.