polsha ukrainagha 250 tanka ewetkenlikini bildürdi

polsha bash ministiri matéus morawiyki, dölitining 24-féwraldin buyan rusiye bilen urush qiliwatqan ukrainagha 250 tanka ewetkenlikini bildürdi.

1938806
polsha ukrainagha 250 tanka ewetkenlikini bildürdi

türkiye awazi radiyosi xewiri: morawiyki firansiyening LCI téléwiziye qaniligha bayanat bérip, ukrainaning erkinlikini qoghdishigha yardem bérishning yawropaning qimmet qarishini qoghdash dégenlik bolidighanliqini otturigha qoydi.

u, ukrainani küreshchi ayropilan bilen teminlesh mesilisi otturigha qoyulsa, uni qollap bélet tashlaydighanliqini tekitlep: «lékin, elwette bu qararni peqet shimaliy atlantik ehdi teshkilati — natola chiqiralishi mumkin» dédi.

morawiyki, gherbning ukrainani téximu ilghar qorallar bilen teminlep qollash mesiliside téximu jasaretlik bolushi kéreklikini tekitlidi.

u, dölitining ukrainagha qoral yardimi bérishni dawamlashturuwatqanliqini tilgha élip: «biz hazirgha qeder ukrainagha 250 tanka ewettuq, kelgüsi bir nechche hepte ichide yene 60 ilghar tankimizni ewetimiz. uningdin bashqa 14 dane yilpiz namliq tankini yetküzüp bérimiz» dégenlerni qeyt qildi.


خەتكۈچ: #uyghurche , #tanka , #ukraina , #polsha

مۇناسىۋەتلىك خەۋەرلەر