amérika liwan armiyesige 72 milyon dollar yardem qilidighan boldi

türkiye awazi radiyosi xewiri: amérikaning béyrutta turushluq bash elchisi doroti shéyaning qatnishishi bilen liwan paytexti béyrutta ötküzülgen b d t közetchilikidiki yighinda, liwan armiyesi we bixeterlik qisimlirigha yardem qilish muzakire qilindi.

yighindin kéyin, amérikaning liwan bixeterlik qisimlirigha yardem qilishi heqqide bash elchi doroti shéya, liwan armiyesi bash ishtab bashliqi léyténant général joséf awn we liwan ichki bixeterlik qismliri qomandani mayor général imad osman bilen birleshme axbarat élan qilish yighini ötküzdi.

bash elchi doroti shéya muxbirlarni kütüwélish yighinidiki bayanatida: «amérika palatasi bixeterlik yardimining zor bir qismini liwan dölet bixeterlik qisimliri we liwan armiyesige ayrishqa qoshuldi» dédi.

yardem dairiside herbiylerge her ay mueyyen miqdarda pul bérilidighanliqini tilgha alghan amérika bash elchisi doroti shéya: «bixeterlik xadimlirigha 6 ay boyiche 100 dollardin bolup jemiy jemiy 72 milyon dollar bérilidu» dédi.

liwan 2019 - yildin buyan éghir iqtisadiy kirizisqa duch kelgen bolup, liwanning merkiziy bankasidiki tashqi péréwot mesilisi we tashqi péréwot zapisining érip kétishi, dölette éghir kirizislarning yüz bérishige seweb bolghan idi.