ئەلئەزھەرنىڭ بايقۇت چاقىرىقى شىۋېتسىيەسىنى ساراسىمىگە سالدى

تۈركىيە ئاۋازى رادىيوسى خەۋىرى: شىۋېتسىيە باش مىنىستىرى ئۇلف كىرىستېرسونم دۆلەت تېلېۋىزىيە قانىلى SVT غا بايانات بېرىپ، ئەلئەزھەرنىڭ بايقۇت قىلىش چاقىرىقىنىڭ شىۋېتسىيەنىڭ نۇرغۇن مۇسۇلمان دۆلەتلەر بىلەن بولغان ياخشى مۇناسىۋىتىگە تەسىر كۆرسىتىدىغانلىقىنى ئوتتۇرىغا قويدى.

دانىيەنىڭ ئاشقۇن ئوڭچىل «قاتتىق يۆنىلىش» پارتىيەسى رەھبىرى راسمۇس پالۇدان 21 - يانۋار (2023) تۈركىيەنىڭ ستوكھولمدىكى ئەلچىخانىسى ئالدىدا قۇرئاننى كۆيدۈرگەن، ساقچىلارنىڭ ھىمايىسىدە سادىر قىلىنغان ۋەقە جەريانىدا، نامايىشچىلارنىڭ پالۇدانغا يېقىنلىشىشىغا يول قويۇلمىغانىدى.

گوللاندىيەدىمۇ ئىرقچى ئېقىمدىكى «غەربنىڭ ئىسلاملىشىشىغا قارشى ۋەتەنپەرۋەر ياۋروپالىقلار» ھەرىكىتى رەھبىرى ئېدۋىن ۋاگېنسۋېلد 23-يانۋار لاھەيدە قۇرئان كەرىمنى يىرتقانىدى.

قۇرئان كەرىمگە ئارقا – ئارقىدىن قىلىنغان مەزكۇر قەبىھ ھاقارەتلەردىن كېيىن، مىسىردىكى ئەلئەزھەر ئۇنىۋېرسىتېتى بارلىق مۇسۇلمانلارنى گوللاندىيە ۋە شىۋېتسىيە مەھسۇلاتلىرىنى بايقۇت قىلىشقا چاقىرغانىدى.