shiwéytsariye yawropa ittipaqining rusiyege qaratqan jazalirini ijra qilishni qarar qildi

türkiye awazi radiyosi xewiri: shiwéytsariye fédératsiye kéngishi bayanat élan qilip: «shiwéytsariye rusiyening 24-féwraldin (2022) buyan ukrainagha qaratqan herbiy hujumliri hemde ukrainaning zémin pütünlüki, igilik hoquqi we bixeterlikige buzghunchiliq sélish heriketlirige qarita chiqirilghan yawropa ittipaqining 9-jaza pilanidiki tedbirlerni ijra qilishni qarar qildi» dégenlerni qeyt qildi.

yawropa ittipaqining 12-ayning 16-küni (2022) ijra qilishqa bashlighan rusiyege qarshi 9-qétimliq jazalash pilani, texminen 200 shexs we organ bilen üch rusiye bankisini jaza tizimlikige qoshush, qosh ishlitilidighan mehsulat éksportini cheklesh we kanchiliq sahesige meblegh sélishni chekleshni mezmun qilidu.

buningdin bashqa, shiwéytsariye awiyatsiye we alem boshluqi sanaitige munasiwetlik tawarlarning éksport cheklimisini, ayropilan we uchquchisiz hawa apparati motorlirini öz ichige alidighan shekilde kéngeytishni hemde rusiye kanchiliq sahesige yéngi meblegh sélishni cheklesh pilan qilinmaqta iken.

yawropa ittipaqigha eza bolmighan shiwéytsariye, iqtisadiy jehette qoshniliri bilen inaq munasiwetni saqlap kelmekte.