шивейтсарийә йавропа иттипақиниң русийәгә қаратқан җазалирини иҗра қилишни қарар қилди

түркийә авази радийоси хәвири: шивейтсарийә федератсийә кеңиши байанат елан қилип: «шивейтсарийә русийәниң 24-февралдин (2022) буйан украинаға қаратқан һәрбий һуҗумлири һәмдә украинаниң земин пүтүнлүки, игилик һоқуқи вә бихәтәрликигә бузғунчилиқ селиш һәрикәтлиригә қарита чиқирилған йавропа иттипақиниң 9-җаза пиланидики тәдбирләрни иҗра қилишни қарар қилди» дегәнләрни қәйт қилди.

йавропа иттипақиниң 12-айниң 16-күни (2022) иҗра қилишқа башлиған русийәгә қарши 9-қетимлиқ җазалаш пилани, тәхминән 200 шәхс вә орган билән үч русийә банкисини җаза тизимликигә қошуш, қош ишлитилидиған мәһсулат експортини чәкләш вә канчилиқ саһәсигә мәбләғ селишни чәкләшни мәзмун қилиду.

буниңдин башқа, шивейтсарийә авийатсийә вә аләм бошлуқи санаитигә мунасивәтлик таварларниң експорт чәклимисини, айропилан вә учқучисиз һава аппарати моторлирини өз ичигә алидиған шәкилдә кеңәйтишни һәмдә русийә канчилиқ саһәсигә йеңи мәбләғ селишни чәкләш пилан қилинмақта икән.

йавропа иттипақиға әза болмиған шивейтсарийә, иқтисадий җәһәттә қошнилири билән инақ мунасивәтни сақлап кәлмәктә.