kanadada yataqliq chérkaw mektipining baghchisidin 66 kichik balining kolléktip maziri tépildi
kanadada ilgiri tépilghan kolléktip mazalardin kéyin, bu qétim yataqliq chérkaw mektipining baghchisida 66 yéngi mazar tépildi.
türkiye awazi radiyosi xewiri: kanadada tépilghan höjjetsiz qebrilerning mektepte turushluq kichik balilargha tewe ikenliki bildürülmekte.
balilar mazarliqi biritanye - kolumbiye rayonidiki qedimkiy olturaq rayondin tépildi.
mazarliqni tapqan guruppa, bularning yataqliq chérkaw mektipi bolghan sant jusufqa tewe rayonda balilargha qaritilghan jinayetler bilen munasiwetlik ikenliki bildürüldi.
aldinqi heptimu kanadaning ontariyo rayonidiki kona yataqliq chérkawgha tewe jayda 171 kichik balining kolléktip maziri tépilghan idi.
eng axirqisi 1997-yili taqalghan katolik yataqliq chérkaw mektepliridiki dehshetlik weqeler2021 - yili tépilghan kolléktp balilar mazarliqi bilen ashkarilanghan we mezkur mazarliqlardin 751 kichik balining iskiliti tépilghan idi.
kanada hökümiti yerlik balilargha ayrimchiliq qilish jinayti sewebidin 20 milyard dollar tölem töleshke qoshulghan idi.
katoliklarning meniwi dahiysi rim papasi firansismu bu setchilik otturigha chiqqandin kéyin, kechürüm sorighan idi.
bezi menbelerning bildürishiche, chérkaw mektepliride turush jeryanida öltürülgen balilarning sani 4200 din artuq bolup, chérkawlarning bashqurush tarmaqlirida bu ölümler heqqide héchqandaq höjjet bolmighanliqi yüzisidin ölgen balilar sanining 5995 ikenliki bildülgen idi.
