firansiye burkina fasodiki eskerlirini chékindüridighan boldi
firansiye burkina fasodiki eskerlirini bir ay ichide chékindüridighanliqi élan qildi.
türkiye awazi radiyosi xewiri: firansiye metbuatlirining diplomatik menbelerni asas qilghan xewirige qarighanda, burkina fasoda turushluq firansiye eskerlirini chékindürüsh telipi aldinqi küni firansiyege yetküzülgen.
burkina faso hökümiti 2018 - yili firansiye armiyesining öz dölitide turushluq orni toghrisidiki kélishimning bikar qilinghanliqini firansiyege resmiy yosunda uqturghan.
firansiye diplomatik menbeliri: «toxtamning shertlirige asasen, toxtamning bikar qilinghanliqigha dair yazma uqturush tapshurulghandin bir ay kéyin, resmiy küchke ige bolidu we bu telepni orunlash arqiliq biz kélishimning maddilirigha emel qilimiz» dep bayanat élan qilghan.
burkina fasoda firansiyening sabré herikiti dairiside 400 eskiri wezipe ötimekte.
burkina faso hökümitining bayanatchisi zhan émmanuél owédrago firansiye eskerlirining burkina fasoda turushigha ruxset qilghan kélishimning bikar qilinghanliqini, shundaqtimu ikki dölet otturisidiki diplomatik munasiwetlerning dawamlishidighanliqini bildürgen.
مۇناسىۋەتلىك خەۋەرلەر
israiliye liwan bilen tüzgen urush toxtitish kélishimige 60 qétim xilapliq qildi
israiliye liwan bilen 27 - noyabirda tüzgen urush toxtitish kélishimige 60 qétim xilapliq qildi.
