ئامېرىكا ئۇكرائىنانى «ئابرامس» تانكىلىرى بىلەن تەمىنلەيدۇ

تۈركىيە ئاۋازى رادىيوسى خەۋىرى: بىر ئامېرىكا ئەمەلدارى بايانات بېرىپ: «پىرېزىدېنت بايدىن بۇ ھەپتە (بالدۇر بولغاندا ئەتە) ئامېرىكانىڭ ئۇكرائىنانى «M1» ئابرامس تانكىسى بىلەن  تەمىنلەيدىغانلىقىنى ئېلان قىلىدۇ» دېدى.

مەزكۇر ئەمەلدار، ئېلان قىلىنىشى پىلانلىنىۋاتقان ياردەم پىلانىنىڭ 30 دىن 50 كىچە تانكىنى ئۆز ئىچىگە ئالىدىغان «ئابرامس باتالىيونى» بولۇشىنىڭ مۇمكىنلىكىگە ئىشارەت قىلىپ ئۆتتى.

ۋاشىنگىتون ھۆكۈمىتىنىڭ بۇ قەدىمى، گېرمانىيەنىڭ ئامېرىكادىن ئىلگىرى ئۇكرائىنانى تانكا بىلەن تەمىنلەشكە قىزغىن قارىمايۋاتقان ۋە گېرمانىيەدە ئىشلەپچىقىرىلغان تانكىلارنىڭ باشقا دۆلەتلەر تەرىپىدىن ئۇكرائىناغا بېرىلىشى تېخى ماقۇللانمىغان بىر پەيتكە توغرا كەلدى.