русийәниң алдинқи сәпләргә әскәр сәплигәнлики илгири сүрүлди
американиң йуқири дәриҗилик бир һәрбий әмәлдари, русийәниң украинаниң шәрқигә онмиңлиған йеңи әскәр әвәткәнликини, әмма бу йеңи әскәрләрниңму үскүнә вә мәшиқ җәһәттә йетәрлик әмәсликини ейтти.
1937206
түркийә авази радийоси хәвири: америка дөләт мудапиә министирлиқиниң йуқири дәриҗилик бир һәрбий әмәлдари, 24-февралдин (2022) буйан давам қиливатқан украина-русийә уруши тоғрисида байанат берип, украина армийәсиниң дөләтниң шәрқидики русийә контроллуқидики креминна базириға һуҗум қозғап, азрақ болсиму илгирилигәнликини билдүрди.
у русийәниң баһмут базириға йеқин районларни игиләшкә тиришиватқанлиқини, райондики тоқунушларниң давам қиливатқанлиқини әскәртти.
русийәниң районда еғир талапәткә учриғанлиқиға ишарәт қилған мәзкур әмәлдар, русийә армийәсиниң һәптә ахирида алдинқи сәпкә нәччә онмиң қошумчә әскәр йөткигәнликини тилға елип: «қошунни күчәйтиш вә җенидин айрилғанларниң орнини толдуруш җәһәттә бу хели көп күч болсиму, бу күчләрни мәшиқләндүрүштә көрүнәрлик йахшилиниш йоқ. мәшиқ вә үскүниләрниң кәмчил болушиға қаримай, улар алдирапла җәңгә әвәтилди» дегәнләрни қәйт қилди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
