sisi tajanini qobul qildi

misir pirézidénti abdulfettah sisi dölitide ziyarette bolghan italiye tashqi ishlar ministiri antoniyo tajani bilen xelqara we rayon mesililiri toghrisida sözleshti.

1936326
sisi tajanini qobul qildi

türkiye awazi radiyosi xewiri: misir pirézidéntliq mehkimisi yazma bayanat élan qilip, pirézidént sisining paytext qahirede dölet ishliri ziyaritide bolghan italiye tashqi ishlar ministiri tajanini qobul qilghanliqini uqturdi.

bayanatta körsitilishiche, sisi tajanining misir ziyaritini qarshi alidighanliqini bildürüp, ikki döletni bir – birige tutashturup turidighan tarixiy munasiwetning chongqurluqini we misirning italiye bilen her derijilik munasiwetlerni tereqqiy qildurushqa alahide ehmiyet béridighanliqini tekitligen.

italiye ministiri tajanimu dölitining misir bilen bolghan ikki tereplik munasiwetni yaxshilash bilen birlikte, her ikki terep ortaq köngül bölidighan rayongha alaqidar mesililerdiki nöwettiki masliship heriket qilishni dawamlashturush arzusini otturigha qoyup ötken.

söhbet jeryanida sanaet, énérgiye bixeterliki we déhqanchiliq qatarliq sahelerdiki hemkarliq, shundaqla qanunsiz köchmenler we térrorluqqa qarshi turush qatarliq mesililermu muzakire qilinghan.


خەتكۈچ: #uyghurche , #misir , #italiye

مۇناسىۋەتلىك خەۋەرلەر