rusiye qisimliri zaporizhyagha qarap ilgirileshke bashlidi

türkiye awazi radiyosi xewiri: rus emeldar wiladimir rogow dölitining «ria» xewer agéntliqigha bayanat bérip, rusiye qisimlirining ukrainaning kontrolluqidiki zaporizhyaning jenubidin texminen 50 kilométir yiraqliqtiki orixéw bilen uning sherqidiki xulaipoligha yétip barghanliqini bildürdi.

«aldinqi septe heriketlinish bar؛ bolupmu orixéw we xulaipolidin ibaret ikki yönilishte heriketlinish bar» dégen rogow, bu rayonlarda shiddetlik toqunushlarning dawamlishiwatqanliqigha isharet qilip ötti.

moskwa bu rayonning jenubidiki keng rayonni kontrolluqigha alghan bolsimu, asasliq sheher zaporizhya bilen uning shimaliy qisimliri téxi rusiye qisimlirining qoligha chüshüp ketmidi.

rusiye armiyesi 2022 - yili 24-féwral ukrainagha bésip kirip, ishghal herikiti bashlighanidi.