лос анжелиста хитай чағинини тәбрикләш җәрйанида 10 киши етип өлтүрүлгән

түркийә авази радийоси хәвири: американиң лос анжелис шәһиридә хитай чағинини тәбрикләш паалийитидә, 10 кишини етип өлтүргән җинайәтчи өлүк һалда қолға чүшүрүлди.

лос анжелис сақчи идарисиниң башлиқи роберт луна (Robert Luna) хуҗән чән (HuuCanTran) исимлик җинайәтчиниң, сақчилар қоршивалған әснада өзиниң қоралидин йарилинип өлгәнликини қәйт қилди.

у 72 йашлиқ хуҗән чәнниң вәқәдин кейин қечип кәткәнлики вә лос анжелисниң җәнубиға җайлашқан торранс (Torrance) шәһиридә сақчилар тәрипидин байқилип қоршавға елинғанлиқини билдүрди.

 лос анжелисниң тәхминән 10 километир шәрқигә җайлашқан монтерей бағчисида (Monterey Park) 21-йанвар (2023) шу йәр вақти 22.20 өткәндә башланған хитай чағинини тәбрикләш паалийитидә йүз бәргән қораллиқ һуҗумда 10 киши җенидин айрилған иди. шу күни кечиси монтерей бағчисиниң шималидики алхамбра (Alhambra) районидики бир уссул студийосидиму қораллиқ һуҗум қилмақчи болған бир кишиниң, башқиларниң тосуп қелиши нәтиҗисидә мәқситини әмәлгә ашуралмай қечип кәткәнлики қәйт қилинған иди.