baydinning öyide yene yéngi mexpiy höjjetler tépilghan

türkiye awazi radiyosi xewiri: pirézidént jo baydinning xususiy adwokati bob bawyér (Bob Bauer) ning yazma bayanatida, fédératsiye tekshürüsh idarisi (FBI) xadimlirining, jüme (2022-yili 20-yanwar) küni baydinning wilmington (Willmington) diki öyini axturghanliqini qeyt qildi.

bayanatta, texminen 13 saet dawamlashqan axturushta, baydinning kéngesh palatasining ezasi we muawin pirézidént bolghan mezgilge ait alte mexpiy höjjetning tépilghanliqi eskertildi.

yéngi mexpiy höjjetlerning edliye ministirliqi mesulliri xadimliri teripidin etrapliq tekshürüsh üchün péchetlengenliki, pirézidént baydinning öyidiki axturushqa xalis niyette ruxset qilghanliqi eskertildi.

bayanatta yene, hepte axiridiki axturush jeryanida pirézidént baydin bilen repiqisi jil baydinning öyide yoqluqi tekitlendi.

pirézidént baydinning meslihetchiliridin richard sawbér (Richard Sauber) 9-yanwar élan qilghan bayanatida, baydinning pén baydin (Penn Biden) merkizidiki xususiy ishxanisida, 2-noyabirda (2022) muawin pirézidént bolghan mezgilge ait «mexpiy melumatlar bar az sandiki mexpiy höjjetler» ning tépilghanliqini bildürgen idi.

u höjjetlerning «quluplanghan ishkapta» ikenlikini, höjjetler tépilghanda pirézidént baydinning xususiy adwokatlirining derhal aqsaray we dölet arxipxaniliri bilen alaqileshkenlikini qeyt qilghan idi.

pirézidént baydin ishxanisidin mexpiy höjjetlerning tépilghanliqini anglighanda, «heyran qalghanliqi» ni éytip,  höjjetlerning mezmunini bilmeydighanliqini bildürgen idi.

edliye ministirliqi mezkur höjjetlerni tekshürüsh üchün mexsus teptish xadimini wezipige teyinligen idi.