borrél iran inqilab muhapizetchilirini térrorluq tizimlikige kirgüzüsh mesilisi toghrisida toxtaldi

türkiye awazi radiyosi xewiri: rusiye tashqi ishlar ministirliqi yazma bayanat élan qilip, éstoniyening rusiyening tallin elchixanisidiki xizmetchiler sanini azaytishtek «dostane» bolmighan qedimidin kéyin, éstoniyening moskwada turushluq bash elchisi laydréning ministirliqqa chaqirtilghanliqini bildürdi.

bayanatta: «rusiye terep her ikki dölettiki diplomatik wekillerni töwen derijilik emeldarlar derijisige chüshürüshni qarar qildi. éstoniye hökümitining herikiti sewebidin bash elchige ultimatom tapshuruldi. éstoniyening moskwada turushluq bash elchisi 2023 -yili 2-ayning 7-künigiche rusiye fédératsiyesi tewelikidin choqum chiqip kétishi kérek. rusiye - éstoniye munasiwitining bu ehwalgha chüshüp qétilishining barliq mesuliyiti éstoniye terepke tewe. biz buningdin kéyinmu éstoniye hökümitining düshmenlerche qedemlirige inkas qayturushni dawamlashturimiz» dégen ibarilerge orun bérildi.

éstoniye tashqi ishlar ministirliqi bayanat élan qilip, rusiyedin 2-ayning 1-künigiche éstoniyediki dölettiki diplomatik xadimlar sanini sekkizge qisqartishini telep qilghanidi.