amérika: ukrainaliqlar urush qilsila ularni qollaymiz

türkiye awazi radiyosi xewiri: amérika dölet mudapie ministirlqining muawin bayanatchisi sabrina singi kündilik axbarat élan qilish yighinida, ukraina dölet mudapie ministiri oléksiy réznikowning amérika teminligen qoral-yaraghlar bilen qirimgha herbiy heriket bashlaydighanliqliri toghrisidiki bayatigha munasiwetlik bir soalgha jawab bergende, qirimning ukrainaning zémini ikenlikini we amérikaning uzun waqittin buyan bu heqtiki meydanini éniq bildürüp kéliwatqanliqini éytti.

u: «ukrainaliqlarning qandaq waste yaki qoral ishlitishidin qetiynezer, ularni zéminini qayturuwélishta qollaymiz. buni bashtin tartip ochuq bildürüshtin chékinip baqmiduq» dédi.

u ukraina armiyesige qirimni qayturuwélish toghrisida taktika we meslihet bérilgen-bérilmigenliki toghrisidiki soalgha, «ukraina armiyesige ularning herikitini qandaq élip bérish toghrisida héchqandaq bésim qilinmidi we bu ukrainaning qarari» dep jawab berdi.

u sözini mundaq dawamlashturdi:

«qirim ukrainaning zémini. biz buni bashtin-axir éniq otturigha qoyduq. eger ular qirimgha herbiy heriket bashlashni qarar qilsa, ular bu qararni öz ichide qilidu. qirim 2014-yili rusiye teripidin qanunsiz ishghal qiliwélinghan ukrainaning bir parchisi. ukrainaliqlarning qirimni qayturuwélish hoquqi bar.»

u muxbirning «qirimgha herbiy heriket bashlansa, ukraina armiyesige qoral béremsiler-bermemsiler?» dégen soalgha, «qirimgha qilinidighan herbiy heriketni öz ichige alghan halda ukrainaliqlar urush qilsila ukrainani qollaymiz» dep jawab berdi.