michotakis: türkiye – girétsiye otturisida urush yüz bérish éhtimalliqi yoq
girétsiye bash ministiri kiriakos michotakis türkiye bilen saqliniwatqan mesililerge hel qilish charisi tépilidighanliqigha ishinidighanliqini we ikki dölet otturisida urush yüz bérish éhtimalliqi yoq, dep qaraydighanliqini bildürdi.
türkiye awazi radiyosi xewiri: michotakis, zhurnalist farid zekeriyyaning, «<més arili> gha munasiwetlik xeterning bar-yoqluqi we türkiye bilen urush yüz bérip bermeydighanliqi» gha dair soaligha, «biz türkiye bilen urush qilmaymiz» dep jawab berdi.
u, türkiye bilen girétsiye otturisidiki asasliq mesilining «ege déngizi» we «sherqiy aqdéngiz» ni bashqurush hoquqi saheliri ikenlikini ilgiri sürüp, mundaq dédi: «biz türkiye bilen eqilliq chonglargha oxshash söhbet ötküzüp, asasliq mesilimizni hel qilalishimiz kérek.»
michotakis, yéqinda hem girétsiye hem türkiyede saylam ötküzülidighanliqini eskertip, «méningche, jiddiychiliklerni azaytish, ortaq menpeet mesililiride xizmet ishlesh, ixtilaplirimiz körülgende birdeklik hasil qilishning türlük chare - tedbirliri bar» dédi.
u, türkiye jumhuriyiti jumhur reisi rejep tayyip erdoghan bilen köp qétim söhbetleshkenliklirini eskertip mundaq dédi: «gerche biz nahayiti müshkül waqitlarni bashtin kechürgen bolsaqmu, yenila jumhur reis erdoghan bilen saqliniwatqan mesililerge hel qilish charisi tépish qiyin emes, dep qaraymen.»
