gérmaniye ukrainagha tanka bérish üchün amérikaningmu tanka bérishini shert qildi
gérmaniye bash ministiri olaf sholz «yilpiz» namliq tankilirini ukrainagha ewetish üchün, amérikaningmu «abrams» namliq tankilirini ukrainagha ewetishini shert qildi.
türkiye awazi radiyosi xewiri: «Süddeutsche Zeitung» gézitining xewirige asaslanghanda, olaf sholz seyshenbe küni amérika pirézidénti jo baydin bilen ötküzgen téléfon söhbitide, eger amérika «abrams» namliq tankilirini ukrainagha yetküzgen teqdirde, özliriningmu ukrainagha «yilpiz» (Loepard) namliq tankilirini béreleydighanliqlirini éytqan.
xewerde, sholzning söhbette mezkur shertini otturigha qoyghanliqi, emma baydinning bu heqte héchqandaq wede bermigenliki tekitlendi.
«Krauss-Maffei Wegmann» shirkiti hazirgha qeder texminen 3600 dane «2-yilpiz» namliq tanka ishlepchiqarghan we nurghun döletlerge satqan idi.
gérmaniye armiyesidimu texminen 300 dane <yilpiz> namliq tankining barliqi melum.
herqandaq döletning qoral ambiridiki «yilpiz» namliq tankini bashqa bir döletke bérishi üchün aldi bilen gérmaniye testiqidin ötküzüshi shert.
gérmaniye texminen ikki hepte ilgiri ukrainagha 40 dane «mardér» broniwik aptomobili béridighanliqini élan qilghan idi.
