пентагон: түркийә дунйада муһим иттипақдаш дөләт

түркийә авази радийоси хәвири: америка дөләт мудапиә министирлиқи байанатчиси патрик рийдер күндилик ахбарат елан қилиш йиғинида, түркийәгә «F-16» айропилани сетип бериш қарари тоғрисидики соалларға җаваб бәрди.

у «бу еһтималлиқ икки дөләтниң һәрбий мунасивәтлиридә қанчилик муһим» дегән соалға, «қарар конгрәниң үстилидә қарап чиқилиш үчүн туруватиду. түркийә билән америка оттурисидики мунасивәтләргә кәлсәк, һәр даим түркийәниң муһим шерик вә иттипақдаш дөләт икәнликини дәватимиз. шуңа, түркийәниң рәһбәрлири билән бу мунасивәтләрни күчәйтиш вә өзара мудапиә еһтийаҗлиримизниң диққәткә елинғанлиқидин хатирҗәм болуш үчүн йеқиндин һәмкарлишишни давамлаштуримиз» дәп җаваб бәрди.

у «америка һөкүмитиниң түркийәгә <F-16> айропилани сетип беришни тәстиқлиши билән гиретсийәгә <F-35> айропилани сетип бериш пилани бир-биригә мунасивәтликму йаки әмәсму?» дегән соалға, «бу мәсилиләр бир-бири билән мунасивәтсиз, американиң һәр икки дөләт билән мунасивити бар» дәп җаваб бәрди.

у «бәзи конгрә әзалириниң түркийәгә <F-16> сетип беришкә қарши чиққанлиқини хатирилигинимиздә, пентагон мәзкур мәсилидә конгрәгә тәвсийәләрдә боламду, йоқ?» дегән соалға, «бу конгрә қарар қилидиған мәсилә. бу йәрдә уларниң немә қилидиғанлиқини дейәлмәймән. шуни тәкрарлимақчимән, америка билән түркийә натоға әза иттипақдаш дөләтләр. түркийә районидила әмәс, бәлки дунйадиму муһим иттипақдаш дөләт» дәп җаваб бәрди.