русийәниң башқурулидиған бомба һуҗумида 25 пуқра қаза қилип, 73 пуқра йаридар болди
украина пирезиденти володимир зеленский русийә армийәсиниң днипро шәһиригә қилған башқурулидиған бомба һуҗумида җенидин айрилған пуқралар саниниң 25 кә көпәйгәнликини билдүрди.
түркийә авази радийоси хәвири: украина пирезиденти володимир зеленский телеграмма адресида һәмбәһирлигән йазмисида, русийә атқан башқурулидиған бомбиниң днипро шәһиридики 9 қәвәтлик бир туралғу бинасиға тегиши сәвәбидин җенидин айрилғанларниң сани, шундақла бина харабилиқида давамлишиватқан издәш-қутқузуш хизмәтлири һәққидә учур бәрди.
зеленский һуҗум нәтиҗисидә җенидин айрилған пуқралар саниниң 25 кә көпәйгәнликини, җенидин айрилғанларниң ичидә бир кичик балиниңму барлиқини билдурди.
уһуҗумдин кейин 13 кичик балини қошқанда җәмий 73 кишиниң йаридар болғанлиқини һәмдә бина харабилиқи астидин 6 кичик балиниң қутқузувелинғанлиқини уқтурди.
مۇناسىۋەتلىك خەۋەرلەر
исраилийә ливанға һава һуҗуми қозғиди
исраилийә армийәси ливанниң җәнубиға кәң көләмлик һава һуҗуми қозғиди.
