qaratagh türkiye bash elchisige «dölet ordéni» teqdim qildi

türkiye awazi radiyosi xewiri: djukanowich, qarataghning paytexti podgorikada türkiye bash elchisi sungül ozangha «dölet ordéni» teqdim qilghanda, ikki dölet munasiwetlirining tereqqiy qilishigha nahayiti zor töhpilerni qoshqanliqi üchün, songül ozangha minnetdarliq bildürdi, hemde bu töhpiliri tüpeyli uning  «dölet ordéni» gha layiq körülgenlikini éytti.

u, türkiye jumhuriyiti jumhur reisi rejep tayyip erdoghanning qarataghda dölet ishliri ziyaritide bolghanliqini eskertip mundaq dédi: «menmu bultur istanbulgha ziyaretke bardim. özara diyalog we yuqiri derijilik rehberler uchrishishliri, ikki dölet otturisidiki ishenchning künséri küchiyiwatqanliqini körsitidu. biz nöwette bashtin kechürüwatqan bundaq musheqqetlik mezgillerde küchlük dostluq ornitish intayin muhim.»

djukanowich, türkiyening podgorika bash elchisi sungül ozanning, qarataghgha meblegh sélish ishlirighimu muhim töhpilerni qoshqanliqini qeyt qildi, hemde qarataghda paaliyet qiliwatqan türkiye organliri we teshkilatliriningmu nurghun layihelerni yolgha qoyghanliqini tekitlidi.

bash elchi sungül ozanmu djukanowichgha minnetdarliq bildürüp, türkiyening qarataghgha meblegh sélishni dawamlashturidighanliqini bayan qildi.