amérikaning birinchi xanimining opératsiyesi muweppeqiyetlik bolghan
amérika pirézidénti jo baydinning repiqisi jil baydinning bedinidiki rak xewipi bar jarahetlerning bayqalghanliqi we bu jarahetlerning opératsiye qilinip élinghanliqi bildürüldi.
1931872
türkiye awazi radiyosi xewiri: aqsaray élan qilghan bayanatida, 71 yashliq jil baydin tére rakini qerellik tekshürtüshke baridighan woltér réd döletlik dawalash merkizide (Walter Reed), uning ong közi we kökrek qismida rakqa aylinish éhtimali bolghan jarahetlerning bayqalghanliqini qeyt qildi.
bayanatta, jil baydinning jarahetni yoqitish üchün opératsiye qilinghanliqi we opératsiyening muweppeqiyetlik bolghanliqi eskertildi.
9 saetlik opératsiyedin kéyin aqsaraygha qaytip kelgen jil baydinning keypiyatining yaxshi ikenliki, pirézidént jo baydinning doxturxanida uninggha hemrah bolghanliqi bildürüldi.
aqsaray doxturi kéwin okonnor (Kevin O'Connor) doklatida, jil baydinning bedinidiki jarahetlerning köp uchraydighan tére rakigha oxshaydighanliqini körsetti.
doxtur kéwin okonnor jil baydinning sol közi qapiqidiki üchinchi jarahetningmu élinip, tekshürüshke ewetilgenlikini bayan qildi.
مۇناسىۋەتلىك خەۋەرلەر
rusiyede bombardimanchi ayropilan chüshüp ketti
rusiyening stawropol rayonida bombardimanchi ayropilan chüshüp ketti.