irandiki namayishlarda 481 kishining ölgenliki bildürüldi

türkiye awazi radiyosi xewiri: iran kishilik hoquq teshkilatining tor békitide élan qilinghan doklatta, hayatidin ayrilghan namayishchilarning 35 ining ayallar, 64 nepirining 18 yashtin töwen balilar ikenliki qeyt qilindi.

irandiki 31 ölkining 25 ige alaqidar sanliq melumatlarni öz ichige alghan doklatta, eng köp adem ölüsh ehwalining sünniy mezhipidikiler topliship olturaqlashqan sistan-baluchistan ölkiside körülgenliki tekitlendi.

doklatta yene, namayish jeryanida qolgha élinghanlardin kem dégende 109 kishining ölüm jazasi telep qilinip sotqa ewetilgenlikige isharet qilindi.

namayishlardin kéyin, «dunyada pitne – pasat térish» we «döletke jeng élan qilish» qatarliq jinayetler bilen eyiblinip ölüm jazasigha höküm qilinghanlardin hazirghiche töt kishining jazasi ijra qilindi.