gollandiyelik tetqiqatchi: gherb p k k ning qarangghu yüzini körmeywatidu

türkiye awazi radiyosi xewiri: bölgünchi térrorluq teshkilati p k k/y p g ning süriyediki zulum – sitemlirini pash qilghanliqi üchün hujum nishanigha aylinip qalghan gollandiyelik tetqiqatchi réna nétjés, yéngi kitabida p k k ning süriyening shimalidiki tetür teshwiqatliri we balilarni tutqun qilish qilmishlirini otturigha qoyidighanliqini éytti.

nétjés, axbarat élan qilish yighinida, bölgünchi térrorluq teshkilati p k k/y p g ning süriyede ishghal qiliwalghan rayonlardiki zulum – sitemge asaslinidighan siyasetliri, adem etkeschiliki we m öktichilerni basturush qilmishliri üstide tetqiqat élip bériwatqanliqini eskertish bilen bir waqitta, gherb döletlirining türkiyening bölgünchi térrorluq teshkilati heqqidiki agahlandurushlirigha pisent qilmasliqii tenqidlep mundaq dédi: «gherb döletliri türkiyege qarita selbiy qarishi tüpeyli bölgünchi térrorluq teshkilati p k k/y p g ning qarangghu yüzini  körmeywatidu. hetta y p g / p k k ning balilarni tutqun qilish qilmishlirighimun sel qarawatidu.»

u, gollandiyede axbarat wasitilirining jamaetchilikni qaymuqturuwatqanliqini eskertip mundaq dédi: «gollandiyede hökümet we birleshme partiyelerning köpinchisi p k k/y p g heqqide manga oxshash oylaydu, emma sol qanat partiyeler we taratqularning bésimi sewebidin köz - qarashlirini yéterlik derijide  otturigha qoyalmaywatidu.»

yéqindin buyan élxel we ammiwi ortaqlishish tor betliridiki sehipiliridin «ölüm tehditliri» ge uchrawatqanliqini qeyt qilghan nétjés, «p k k/y p g beziler perdazlawatqandek démokratik emes, bu heqiqetenmu qorqunchluq ishtur.»

özini qollawatqan berzi zhurnalistlarningmu térrorluq teshkilatining qollighuchiliri teripidin tehditke uchrawatqanliqini éytqan nétjés, yéngi kitabida, bölgünchi térrorluq teshkilati p k k/y p g ning süriyediki zulum – sitemliri, süriyening shimalidiki  tetür teshwiqatliri we balilarni tutqun qilish qilmishlirini pash qilishni dawamlashturidighanliqini qeyt qildi.