yawropa ittipaqi: rusiye urush toxtitishni élan qilish arqiliq pilanigha yetmekchi boluwatidu

yawropa ittipaqi rusiyening ortodoks rozhdéstwa bayrimi sewebidin waqitliq urush toxtitidighanliqini élan qilish arqiliq ukrainadiki urushta waqitni arqigha surüshni pilanlawatqanliqini bildürdi.

1929268
yawropa ittipaqi: rusiye urush toxtitishni élan qilish arqiliq pilanigha yetmekchi boluwatidu

türkiye awazi radiyosi xewiri: yawropa ittipaqi tashqi munasiwetler we bixeterlik siyasiti aliy wekili jozéf borél, ukraina tashqi ishlar ministiri dmitro kuléba bilen téléfonda körüshti.

borélning ishxanisi teripidin élan qilinghan bayanatta bildürülüshiche, ikki rehberning téléfon söhbitide, urushning aldinqi sépidiki weziyet, 23 – yanwar küni ötküzülidighan we kuléba widéo konférans wasitisi arqiliq ishtirak qilidighan yawropa ittipaqi tashqi ishlar ministirliri yighini, hemde 3 – féwral küni chaqirilidighan yawropa ittipaqi – ukraina bashliqlar yighini teyyarliq xizmetliri  heqqide muzakire élip bérilghan.

rusiyening yéqinqi heptilerdiki hujumlirining özi élan qilghan urush toxtitish kélishimige xilap ikenliki eskertilgen bayanatta, tinchliq ornitishning birdinbir yolining, rusiye qisimlirining ukrainadin chékinip chiqish kétishi ikenliki qeyt qilinghan.

bayanatta tekitlinishiche, borél kulébagha, yawropa ittipaqining ukrainani siyasiy, herbiy, iqtisadiy we insaniy jehettin qollashni dawamlashturush iradisining qetiylikini éytqan.



مۇناسىۋەتلىك خەۋەرلەر