ukraina rusiyening waqitliq urush toxtitish chaqiriqini ret qildi

türkiye awazi radiyosi xewiri: rusiye pirézidéntliq mehkimisi — kirémil yazma bayanat élan qilip, pirézidént wiladimir putinning dölet mudapie ministirliqigha buyruq chüshürüp, ortodoks (pirawoslawiye) rozhdéstwa bayrimi munasiwiti bilen «ukrainada waqitliq urush toxtitish»ni telep qilghanliqini uqturdi.

urush toxtitishning 6-yanwar chüshtin kéyin saet 12:00 din bashlap 36 saetkiche küchke ige bolidighanliqigha isharet qilinghan bayanatta: «toqunushlar dawamlishiwatqan rayonlardiki ortodokslarni nezerde tutup, ukraina terepnimu kishilerning rozhdéstwa bayrimi mezgilide diniy murasimlargha qatnishalishigha kapaletke ige qilish üchün urush toxtitish jakarlashqa chaqirimiz» dégen ibarilerge orun bérildi.

rusiye ortodoks chérkawi rehbiri kirilmu, 6-, 7-yanwar künliridiki ortodosklarning rozhdéstwa bayrimi mezgilide ukrainadin urush toxtitishni telep qilghanidi.

ukraina terep urush toxtitishqa emel qilmaydighanliqini jakarlidi؛ ukraina pirézidéntliq mehkimisi ishxanisi meslihetchisi mixayil podolyak ijtimaiy alaqe supisi tiwittirda bayanat élan qilip: «rusiye ishghal qilinghan rayonlardin chékinishi kérek, shundaq qilghandila waqitliq urush toxtitilidu» dédi.

podolyak, patrixér kirilning urush toxtitish chaqiriqiningmu bir teshwiqat éléménti ikenlikini ilgiri sürdi.

rusiye armiyesi 2022 - yili 24-féwral ukrainagha bésip kirip, ishghal herikiti bashlighanidi.